قازاقستان رەسپۋبليكاسى ىشكى ىستەر مينيسترلىگىنىڭ بۇيرىعى  №876

2016 جىلعى 2 قىركۇيەك №876 استانا قالاسى قازاقستان رەسپۋبليكاسىنىڭ ۇلتتىق ۇلانى جانە قازاقستان رەسپۋبليكاسى ىشكى ىستەر مينيسترلىگىنىڭ اسكەري-تەرگەۋ ورگاندارى اسكەري قىزمەتشىلەرىنىڭ دالالىق كيىم نىسانىنىڭ جانە ارنايى كيىمiنiڭ ۇلگىسىن جانە ءتۇسىن بەكىتۋ تۋرالى «قازاقستان رەسپۋبليكاسىنىڭ قارۋلى كۇشتەرى, باسقا دا اسكەرلەرى مەن اسكەري قۇرالىمدارى اسكەري قىزمەتشىلەرىنىڭ اسكەري كيىم نىسانى جانە ايىرىم بەلگىلەرى تۋرالى» قازاقستان رەسپۋبليكاسى پرەزيدەنتىنىڭ 2011 جىلعى 25 تامىزداعى № 144 جارلىعىمەن بەكىتىلگەن قازاقستان رەسپۋبليكاسىنىڭ قارۋلى كۇشتەرى, باسقا دا اسكەرلەرى مەن اسكەري قۇرالىمدارى اسكەري قىزمەتشىلەرىنىڭ اسكەري كيىم نىسانى جانە ايىرىم بەلگىلەرى ۇلگىلەرىنىڭ سيپاتتاماسى مەن سۋرەتتەرىنىڭ 8-تارماعىنا سايكەس بۇيىرامىن: 1. قوسا بەرىلىپ وتىرعان قازاقستان رەسپۋبليكاسىنىڭ ۇلتتىق ۇلانى جانە قازاقستان رەسپۋبليكاسى ىشكى ىستەر مينيسترلىگىنىڭ اسكەري-تەرگەۋ ورگاندارى اسكەري قىزمەتشىلەرىنىڭ دالالىق كيىم نىسانىنىڭ جانە ارنايى كيىمىنىڭ ۇلگىسى جانە ءتۇسى بەكىتىلسىن. 2. قازاقستان رەسپۋبليكاسىنىڭ ۇلتتىق ۇلانى زاڭنامادا بەلگىلەنگەن تارتىپپەن: 1) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى; 2) وسى بۇيرىقتى مەملەكەتتىك تىركەگەننەن كەيىن كۇنتىزبەلىك ون كۇن ىشىندە ونى مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جولداۋدى; 3) وسى بۇيرىقتى قازاقستان رەسپۋبليكاسى ىشكى ىستەر مينيسترلىگىنىڭ ينتەرنەت-رەسۋرسىندا ورنالاستىرۋدى; 4) وسى بۇيرىقتى مەملەكەتتىك تىركەگەن كۇننەن كۇنتىزبەلىك ون كۇن ىشىندە قازاقستان رەسپۋبليكاسىنىڭ نورماتيۆتىك قۇقىقتىق اكتىلەرىنىڭ ەتالوندىق باقىلاۋ بانكىنە ەنگىزۋ ءۇشىن ادىلەت مينيسترلىگىنىڭ «رەسپۋبليكالىق قۇقىقتىق اقپارات ورتالىعىنا» جولداۋدى; 5) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەگەننەن كەيىن ون جۇمىس كۇنى ىشىندە وسى تارماقتىڭ 1), 2), 3) جانە 4) تارماقشالارىندا كوزدەلگەن ءىس-شارالاردىڭ ورىندالعانى تۋرالى مالىمەتتەردى قازاقستان رەسپۋبليكاسى ىشكى ىستەر مينيسترلىگىنىڭ زاڭ دەپارتامەنتىنە ۇسىنۋدى قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى ىشكى ىستەر ءمينيسترىنىڭ ورىنباسارى پوليتسيا گەنەرال-مايورى ب.ب. بيسەنقۇلوۆقا جۇكتەلسىن. 4. وسى بۇيرىق العاش رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. مينيستر پوليتسيا گەنەرال-پولكوۆنيگى ق. قاسىموۆ قازاقستان رەسپۋبليكاسى ىشكى ىستەر ءمينيسترىنىڭ 2016 جىلعى 2 قىركۇيەكتەگى №876 بۇيرىعىمەن بەكىتىلگەن قازاقستان رەسپۋبليكاسىنىڭ ۇلتتىق ۇلانى جانە قازاقستان رەسپۋبليكاسى ىشكى ىستەر مينيسترلىگىنىڭ اسكەري-تەرگەۋ ورگاندارى اسكەري قىزمەتشىلەرىنىڭ دالالىق كيىم نىسانىنىڭ جانە ارنايى كيىمىنىڭ ۇلگىسى جانە ءتۇسى 1 - تاراۋ. دالالىق كيىم نىسانىنىڭ ۇلگىسى مەن ءتۇسىنىڭ سيپاتتاماسى 1. دالالىق كيىم نىسانىن قازاقستان رەسپۋبليكاسى ۇلتتىق ۇلانىنىڭ جانە قازاقستان رەسپۋبليكاسى ىشكى ىستەر مي­­نيسترلىگى اسكەري-تەرگەۋ ورگاندارىنىڭ اسكەري قىزمەتشىلەرى وقۋ-جاتتىعۋلارعا, دالالىق شىعۋلارعا, جاۋىنگەرلىك كەزەك­شىلىككە, قاراۋىلداردىڭ قۇرامىندا قىزمەت اتقارۋ كەزىندە, وقۋ ورتالىقتارىنداعى, پوليگوندارداعى ساباقتارعا كيەدى. 2. دالالىق كيىم نىسانى: 1) جازعى (1-سۋرەت): بۇركەنىش ءتۇستى دالالىق فۋراجكا; ءبىر ءتۇستى فۋتبولكا; بۇركەنىش ءتۇستى دالالىق كۇرتەشە مەن تىك پىشىلگەن شالبار; دالالىق بەلبەۋ; قارا ءتۇستى ۇزىن قونىشتى بىلعارى باتەڭكە. بۇركەنىش ءتۇستى دالالىق فۋراجكا توبەسىنەن, ەكى جاق بۇيىرىنەن جانە كۇنقاعاردان تۇرادى, ەكى جاق ءبۇيىرىنىڭ بيىكتىگى جەلكە جاعىنا قاراي ۇلعايادى. بۇركەنىش ءتۇستى دالالىق كۇرتەشە مەن تىك پىشىلگەن شالبار: ورتالىق ىشكى قاۋسىرمالى تۇيمە ىلگەگى بار تىك پىشىلگەن كۇرتەشە; بەلى سىرىلىپ تىگىلگەن تىك پىشىلگەن شالبار. 2) قىسقى (2-سۋرەت): بەلگىلەنگەن ءتۇستى تەرىدەن تىگىلگەن قۇلاقشىن (پولكوۆنيكتەر مەن گەنەرالدار ءۇشىن - كۇنقاعارى بار سۇر ءتۇستى قاراكولدەن تىگىلگەن مالاقاي); ءبىر ءتۇستى فۋتبولكا; بۇركەنىش ءتۇستى دالالىق كۇرتەشە مەن تىك پىشىلگەن شالبار; بۇركەنىش ءتۇستى دالالىق استارى جىلى كۇرتەشە مەن تىك پىشىلگەن شالبار; دالالىق بەلبەۋ; قارا ءتۇستى ءىشى جىلى ۇزىن قونىشتى بىلعارى باتەڭكە; قارا ءتۇستى ءىشى جىلى بىلعارى قولعاپ. بۇركەنىش ءتۇستى دالالىق استارى جىلى كۇرتەشە مەن تىك پىشىلگەن شالبار: تىك پىشىلگەن, ۇزىن, ورتالىق ىشكى قاۋسىرمالى «سىرعىما» سىدىرما ىلگەكتى جانە تۇيمەمەن ىشىنەن جابىلاتىن جەلدەن قورعايتىن وڭىرجيەكتى كۇرتەشە; اسپالى باۋى جانە بەلى سىرىلىپ تىگىلگەن تىك پىشىلگەن شالبار. ماتا ءتۇسى: ءتورت ءتۇستى بۇركەنىشتى سۋرەت. 2 - تاراۋ. كەڭسەلىك كيىم نىسانىنىڭ ۇلگىسى مەن ءتۇسىنىڭ سيپاتتاماسى 3. كەڭسەلىك كيىم نىسانى باس جانە وڭىرلىك قولباسشىلىق باسقارۋ ورگاندارىندا, اسكەري-تەرگەۋ ورگاندارىنىڭ بولىمشەلەرىندە كۇندەلىكتى كيۋگە ارنالعان. 4. ۇزىن جەڭدى كۇرتەشە جانە شالبار (3, 5, 7-سۋرەتتەر): ەركىن پىشىلگەن, بەلى سىرىلىپ تىگىلگەن, ورتالىق «سىرعىما» سىدىرما ىلگەگى بار كۇرتەشە; بەلى سىرىلىپ تىگىلگەن, تىك پىشىلگەن بالاعى تۇسىڭكى شالبار. 5. قىسقا جەڭدى كۇرتەشە جانە شالبار (اسكەري قىزمەتشى ايەلدەر ءۇشىن – بەلگىلەنگەن ءتۇستى يۋبكا) (4, 6, 8-سۋرەتتەر): ەركىن پىشىلگەن, بەلى سىرىلىپ تىگىلگەن, ورتالىق تۇيمە ىلگەگى بار كۇرتەشە; بەلى سىرىلىپ تىگىلگەن, تىك پىشىلگەن بالاعى تۇسىڭكى شالبار (اسكەري قىزمەتشى ايەلدەر ءۇشىن – بەلى سىرىلىپ تىگىلگەن يۋبكا). 6. ۇزىن جانە قىسقا جەڭدى كۇرتەشەلەر «قازاقستان رەسپۋبليكاسىنىڭ قارۋلى كۇشتەرi, باسقا دا اسكەرلەرi مەن اسكەري قۇرىلىمدارى اسكەري قىزمەتشىلەرiنiڭ اسكەري كيiم نىسانى جانە ايىرىم بەلگiلەرi تۋرالى» قازاقستان رەسپۋبليكاسى پرەزيدەنتىنىڭ 2011 جىلعى 25 تامىزداعى № 144 جارلىعىمەن بەكىتىلگەن (بۇدان ءارى - جارلىق) اسكەري اتاعى بويىنشا پاگوندارمەن (مۋفتا), قازاقستان رەسپۋبليكاسىنىڭ ۇلتتىق ۇلانىنا جانە باس (وڭىرلىك) قولباسشىلىققا تيىسىلىگىن بىلدىرەتىن جەڭدەگى بەلگىلەرمەن, «قازاقستان» جانە «قان توبى» كەۋدە بەلگىلەرمەن جابدىقتالادى. 7. جوعارى وفيتسەرلىك قۇرامنىڭ ۇزىن جانە قىسقا جەڭدى كۇرتەشەلەرىنىڭ جاعاسى التىنداتىلعان زەرمەن كەستەلەنەدى. 8. ماتا ءتۇسى: قارا جۋسان, اۆياتسيانىڭ ۇشقىشتار قۇرامىنا قارا كوك ءتۇس. 9. كەڭسەلىك كيىم مىنالاردان تۇرادى: جازعى: كەپي (اسكەري قىزمەتشى ايەلدەر ءۇشىن – پيلوتكا), اق ءتۇستى فۋتبولكا, قارا ءتۇستى قىسقا قونىشتى بىلعارى باتەڭكە (اسكەري قىزمەتشى ايەلدەر ءۇشىن – قارا ءتۇستى بىلعارى تۋفلي); قىسقى: قارا جۋسان تۇستەس تەرىدەن تىگىلگەن قۇلاقشىن (پولكوۆنيكتەر ءۇشىن - كۇنقاعارى بار سۇر ءتۇستى قاراكولدەن تىگىلگەن مالاقاي), تەرىدەن تىگىلگەن جاعاسى بار بەلگىلەنگەن ءتۇستى كۇرتەشە (پولكوۆنيكتەر ءۇشىن – سۇر ءتۇستى قاراكولدەن تىگىلگەن جاعا), قارا ءتۇستى ءىشى جىلى قولعاپ, كاشنە, اق ءتۇستى فۋتبولكا, قارا ءتۇستى ءىشى جىلى قىسقا قونىشتى بىلعارى ەتىك (اسكەري قىزمەتشى ايەلدەر ءۇشىن – قارا ءتۇستى ءىشى جىلى بىلعارى ەتىك). 3 - تاراۋ. قوعامدىق ءتارتىپ پەن قاۋىپسىزدىكتى ساقتاۋ بويىنشا قىزمەتتى اتقارۋعا ارنالعان بەكەتتىك كيىمى ۇلگىسىنىڭ جانە ءتۇسىنىڭ سيپاتتاماسى 10. بەكەتتىك كيىم قوعامدىق ءتارتىپ پەن قاۋىپسىزدىكتى ساقتاۋ بويىنشا, ونىڭ ىشىندە بۇقارالىق ءىس-شارالاردى قامتاماسىز ەتۋ بويىنشا قىزمەتتى اتقارۋ كەزىندە كيۋگە ارنالعان. 11. قوعامدىق ءتارتىپ پەن قاۋىپسىزدىكتى ساقتاۋ بويىنشا قىزمەتتى اتقارۋعا ارنالعان بەكەتتىك كيىم: 1) جازعى (9-سۋرەت): جازعى كەپي; فۋتبولكا; جازعى كوستيۋم; بىلعارى جابدىق; قارا ءتۇستى ۇزىن قونىشتى بىلعارى باتەڭكە. كەپي قۇراقتاردان, كۇنقاعاردان, ولشەمىن رەتتەۋگە ارنالعان باۋ مەن ىلگەكتەن تۇرادى. جازعى كوستيۋم: ورتالىق ىشكى قاۋسىرمالى تۇيمە ىلگەگى بار تىك پىشىلگەن كۇرتەشە; تارتىلاتىن بەلدىگى بار تىك پىشىلگەن شالبار. 2) قىسقى (10-سۋرەت): تەرىدەن تىگىلگەن قۇلاقشىن (پولكوۆنيكتەر مەن گەنەرالدار ءۇشىن - كۇنقاعارى بار سۇر ءتۇستى قاراكولدەن تىگىلگەن مالاقاي); فۋتبولكا; جازعى كوستيۋم; استارى جىلى كوستيۋم; بىلعارى جابدىق; قارا ءتۇستى ءىشى جىلى ۇزىن قونىشتى بىلعارى باتەڭكە; قارا ءتۇستى ءىشى جىلى بىلعارى قولعاپ. استارى جىلى كوستيۋم: تىك پىشىلگەن, ورتالىق ىشكى قاۋسىرمالى «سىرعىما» ىلگەكتى جانە تۇيمەمەن ىشىنەن جابىلاتىن جەلدەن قورعايتىن وڭىرجيەكتى كۇرتەشە; شالبار – اسپالى باۋى جانە بەلى سىرىلىپ تىگىلگەن تىك پىشىلگەن جارتىلاي كوبينەزون. 12. جازعى كۇرتەشە, استارى جىلى كۇرتەشە, قىسقا جەڭدى جازعى جەيدە جارلىقپەن بەكىتىلگەن اسكەري اتاعى بويىنشا پاگوندارمەن (مۋفتا), قازاقستان رەسپۋبليكاسىنىڭ ۇلتتىق ۇلانىنا جانە باس (وڭىرلىك) قولباسشىلىققا (تىكەلەي باعىنىستى بولىمدەرگە) تيىسىلىگىن بىلدىرەتىن جەڭدەگى بەلگىلەرمەن, «قازاقستان» جانە «قان توبى» كەۋدە بەلگىلەرىمەن جابدىقتالادى. جازعى كۇرتەشەنىڭ جاعاسىنا تومەنگى جاعىنا پاراللەل التىن تۇستەس «KZ» ەمبلەماسى بەكىتىلەدى. جاعانىڭ تومەنگى شەتىنەن ارىپتەردىڭ تومەنگى شەتىنە دەيىنگى اراقاشىقتىق – 15 مم. 13. جازعى جانە استارى جىلى كۇرتەشەنىڭ, جەيدەنىڭ ارقا بولىگىنىڭ جوعارعى جاعىندا كۇمىس تۇستەس نەمەسە اق ءتۇستى جارقىرايتىن ەلەمەنتتەرمەن «ۇلتتىق ۇلان» دەگەن جازۋ جازىلادى (9, 10, 11-سۋرەتتەر). 14. ماتا ءتۇسى: قارا كوك, قىسقا جەڭدى جەيدەدەن باسقا - اشىق كوك . 15. قوي تەرىسىنەن تىگىلگەن قىسقا تون اسكەري اتاقتار بويىنشا پوگوندارمەن جابدىقتالادى (12-سۋرەت). 4 - تاراۋ. ءارتۇرلى ارنايى جۇمىستاردى ورىندايتىن اسكەري قىزمەتشىلەردىڭ, جۇمىسشىلار مەن قىزمەتشىلەردىڭ ارنايى كيىمى ۇلگىسىنىڭ جانە ءتۇسىنىڭ سيپاتتاماسى 16. اسكەري قىزمەتشىلەر اۆتوموبيلدىك جانە بروندىتانك تەحنيكالارىنا قىزمەت كورسەتۋى كەزىندە كيۋىنە, جاۋىنگەرلىك ماشينالار مەن بروندالعان اۆتوموبيلدەردىڭ ەكيپاجىنا, جوندەۋ بولىمشەلەرىنىڭ اسكەري قىزمەتشىلەرىنە, اتىس قارۋىن, كوتەرگىش مەحانيزمدەردى, قورەكتەندىرۋ اگرەگاتتارىن جوندەۋگە ارنالعان جوندەۋ جونىندەگى شەبەرلەرگە, اۆتوكولىكتى جانە باسقا دا تەحنيكالىق قۇرالداردى جەتە تەكسەرۋگە بايلانىستى باقىلاۋ-كولىكتىك جانە باقىلاۋ-وتكىزۋ پۋنكتتەرىنىڭ اسكەري قىزمەتشىلەرىنە ارنالعان. 17. اۆتوموبيلدىك جانە بروندىتانك تەحنيكالارىنا قىزمەت كورسەتەتىن اسكەري قىزمەتشىلەردىڭ, جاۋىنگەرلىك ماشينالار مەن بروندالعان اۆتوموبيلدەردىڭ ەكيپاجى, جوندەۋ بولىمشەلەرى اسكەري قىزمەتشىلەرىنىڭ, اتىس قارۋىن, كوتەرگىش مەحانيزمدەردى, قورەكتەندىرۋ اگرەگاتتارىن جوندەۋگە ارنالعان جوندەۋ جونىندەگى شەبەرلەرگە ارنالعان ارنايى كيىم: 1) جازعى (13-سۋرەت): ماقتا-ماتا فۋراجكا; كوستيۋم (كۇرتەشە جانە شالبار); 2) قىسقى (14-سۋرەت): كوستيۋم (كۇرتەشە جانە شالبار); استارى جىلى كوستيۋم (كۇرتەشە جانە شالبار). 18. ارنايى كيىم مىنالاردان تۇرادى: جازعى ۋاقىتتا: فۋتبولكا, دالالىق بەلبەۋ, قارا ءتۇستى ۇزىن قونىشتى بىلعارى باتەڭكە; قىسقى ۋاقىتتا: ءجۇن مالاقاي, فۋتبولكا, دالالىق بەلبەۋ, قارا ءتۇستى ءىشى جىلى ۇزىن قونىشتى بىلعارى باتەڭكە; ماتا ءتۇسى: قارا. 19. اۆتوكولىكتى جانە باسقا دا تەحنيكالىق قۇرالداردى جەتە تەكسەرۋگە بايلانىستى باقىلاۋ-كولىكتىك جانە باقىلاۋ-وتكىزۋ پۋنكتتەرى اسكەري قىزمەتشىلەرىنىڭ ارنايى كيىمى مىنالاردان تۇرادى (15-سۋرەت): ماقتا-ماتا فۋراجكا; كوستيۋم (كۇرتەشە جانە شالبار). ماتا ءتۇسى: قارا. 5 - تاراۋ. اۆياتسيانىڭ ۇشقىشتار جانە ينجەنەرلىك-تەحنيكالىق قۇرامدارىنا ارنالعان ارنايى كيىمى ۇلگىسىنىڭ جانە ءتۇسىنىڭ سيپاتتاماسى 20. اۆياتسيانىڭ ۇشقىشتار قۇرامىنا ارنالعان ارنايى كيىم: 1) جازعى: جازعى كوستيۋم (كۇرتەشە جانە شالبار) (16-سۋرەت); 2) ماۋسىمدىق: ماۋسىمدىق كۇرتەشە جانە شالبار (17-سۋرەت); 3) قىسقى: تەرىدەن تىگىلگەن جاعاسى بار استارى جىلى كۇرتەشە مەن شالبار (18-سۋرەت); شەۆرەتتى كۇرتەشە (19-سۋرەت). ماتا ءتۇسى: سارعىش. 21. اۆياتسيانىڭ ينجەنەرلىك-تەحنيكالىق قۇرامىنا ارنالعان ارنايى كيىم: 1) جازعى: جازعى ماقتا-ماتا كوستيۋم (20-سۋرەت); 2)قىسقى: تەرىدەن تىگىلگەن جاعاسى, استارى بار قۇراستىرىلعان كۇرتەشە, استارى جىلى كومبينەزون (21-سۋرەت); جابىق كومبينەزون (22-سۋرەت). ماتا ءتۇسى: سارعىش. دالالىق كيىم نىسانى 1-سۋرەت جازعى 2-سۋرەت قىسقى كەڭسەلىك كيىم نىسانى 3-سۋرەت بەلگىلەنگەن ءتۇستى كەپي, بەلگىلەنگەن ءتۇستى ۇزىن جەڭدى كۇرتەشە جانە شالبار (جوعارى وفيتسەرلىك قۇرامىنا) 4-سۋرەت بەلگىلەنگەن ءتۇستى كەپي, بەلگىلەنگەن ءتۇستى قىسقا جەڭدى كۇرتەشە جانە شالبار (جوعارى وفيتسەرلىك قۇرامىنا) كەڭسەلىك كيىم نىسانى 5-سۋرەت بەلگىلەنگەن ءتۇستى كەپي, بەلگىلەنگەن ءتۇستى ۇزىن جەڭدى كۇرتەشە جانە شالبار 6-سۋرەت بەلگىلەنگەن ءتۇستى كەپي, بەلگىلەنگەن ءتۇستى قىسقا جەڭدى كۇرتەشە جانە شالبار كەڭسەلىك كيىم نىسانى 7-سۋرەت بەلگىلەنگەن ءتۇستى پيلوتكا, بەلگىلەنگەن ءتۇستى ۇزىن جەڭدى كۇرتەشە جانە شالبار (اسكەرير قىزمەتشى ايەلدەرگە) 8-سۋرەت بەلگىلەنگەن ءتۇستى پيلوتكا, بەلگىلەنگەن ءتۇستى قىسقا جەڭدى كۇرتەشە جانە شالبار (اسكەري قىزمەتشى ايەلدەرگە) قوعامدىق ءتارتىپ پەن قاۋىپسىزدىكتى ساقتاۋ بويىنشا قىزمەتتى اتقارۋعا ارنالعان بەكەتتىك كيىم 9-سۋرەت جازعى 10-سۋرەت قىسقى قوعامدىق ءتارتىپ پەن قاۋىپسىزدىكتى ساقتاۋ بويىنشا قىزمەتتى اتقارۋعا ارنالعان بەكەتتىك كيىم 11-سۋرەت بەلگىلەنگەن ءتۇستى جازعى كەپي, بەلگىلەنگەن ءتۇستى قىسقا جەڭدى جازعى جەيدە, بەلگىلەنگەن ءتۇستى جازعى شالبار, بىلعارى جابدىق قوعامدىق ءتارتىپ پەن قاۋىپسىزدىكتى ساقتاۋ بويىنشا قىزمەتتى اتقارۋعا ارنالعان بەكەتتىك كيىم 12-سۋرەت قوي تەرىسىنەن تىگىلگەن قىسقا تون اۆتوموبيلدىك جانە بروندىتانك تەحنيكالارىنا قىزمەت كورسەتەتىن اسكەري قىزمەتشىلەردىڭ, جاۋىنگەرلىك ماشينالار مەن بروندالعان اۆتوموبيلدەردىڭ ەكيپاجى, جوندەۋ بولىمشەلەرى اسكەري قىزمەتشىلەرىنىڭ, اتىس قارۋىن, كوتەرگىش مەحانيزمدەردى, قورەكتەندىرۋ اگرەگاتتارىن جوندەۋگە ارنالعان جوندەۋ جونىندەگى شەبەرلەرگە ارنالعان ارنايى كيىم 13-سۋرەت جازعى 14-سۋرەت قىسقى اۆتوكولىكتى جانە باسقا دا تەحنيكالىق قۇرالداردى جەتە تەكسەرۋگە بايلانىستى باقىلاۋ-كولىكتىك جانە باقىلاۋ-وتكىزۋ پۋنكتتەرى اسكەري قىزمەتشىلەرىنىڭ ارنايى كيىمى 15-سۋرەت ماقتا-ماتا فۋراجكا, بەلگىلەنگەن ءتۇستى كوستيۋم (كۇرتەشە جانە شالبار) اۆياتسيانىڭ ۇشقىشتار قۇرامىنا ارنالعان ارنايى كيىم 16-سۋرەت جازعى 17-سۋرەت ماۋسىمدىق اۆياتسيانىڭ ۇشقىشتار قۇرامىنا ارنالعان ارنايى كيىم 18-سۋرەت قىسقى (تەرىدەن تىگىلگەن جاعاسى بار استارى جىلى كۇرتەشە مەن شالبار) 19-سۋرەت قىسقى (شەۆرەتتى كۇرتەشە) اۆياتسيانىڭ ينجەنەرلىك-تەحنيكالىق قۇرامىنا ارنالعان ارنايى كيىم 20-سۋرەت جازعى اۆياتسيانىڭ ينجەنەرلىك-تەحنيكالىق قۇرامىنا ارنالعان ارنايى كيىم 21-سۋرەت قىسقى (تەرىدەن تىگىلگەن جاعاسى, استارى بار قۇراستىرىلعان كۇرتەشە, استارى جىلى كومبينەزون) 22-سۋرەت قىسقى (جابىق كومبينەزون) بۇيرىق قازاقستان رەسپۋبليكاسىنىڭ ادىلەت مينيسترلىگىندە 2016 جىلعى 5 قازاندا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №14287 بولىپ ەنگىزىلدى.